മൊബൈല് ഫോണ് ഉപയോഗിച്ച് എന്തൊക്കെ പ്രയോജനങ്ങളാണല്ലേ?. ബാങ്ക് ഒടിപികള് പങ്കുവയ്ക്കാം, ആശയവിനിമയം നടത്താം, സോഷ്യല് മീഡിയ ഉപയോഗിക്കാം അങ്ങനെ പലവിധ ഉപയോഗങ്ങള് അല്ലേ?. എന്നാല് മൊബൈലിലൂടെ ഇക്കാര്യങ്ങളെല്ലാം നടക്കണമെങ്കില് അതില് സിം ഇന്സേര്ട്ട് ചെയ്യണം അല്ലേ?. വര്ഷങ്ങളായി ഒരേ നമ്പറും സിംകാര്ഡും ഉപയോഗിക്കുന്ന ആളുകള് ഉണ്ടാവാം. എന്നാല് നിങ്ങള് ഉപയോഗിക്കുന്ന സിംകാര്ഡിന് ഒരു കാലാവധി ഉണ്ടോ?. കാലാകാലം ഒരേ സിംകാര്ഡ് തന്നെ ഉപയോഗിക്കാന് കഴിയുമോ?. അതിനുള്ള ഉത്തരമിതാ…
മൊബൈല് കണക്ഷന് നിലനില്ക്കുന്നതിന് സിം കാര്ഡുകള് എത്ര കാലം കേടുകൂടാതിരിക്കും എന്ന് അറിയേണ്ടത് പ്രധാനമാണ്. സിം കാര്ഡുകള് വര്ഷങ്ങളോളം നിലനില്ക്കാനായി നിര്മ്മിച്ചതാണെങ്കിലും, തേയ്മാനം, കേടുപാടുകള്, അല്ലെങ്കില് കാലഹരണപ്പെട്ട സാങ്കേതികവിദ്യ തുടങ്ങിയ ഘടകങ്ങള് അവയുടെ പ്രവര്ത്തനത്തെ ബാധിച്ചേക്കാം.
പെട്ടെന്ന് ഒരുദിവസം ഫോണില് നെറ്റ്വര്ക്ക് ഇല്ലാതായി എന്ന് കാണുകയോ 'invalid sim' എന്ന് എന്ന് കാണിക്കുകയോ ചെയ്താല് മനസിലാക്കിക്കോളൂ നിങ്ങളുടെ സിംകാര്ഡിന്റെ കാലാവധി കഴിഞ്ഞു എന്ന്. സിംകാര്ഡുകള് പ്രധാനമായും പ്ലാസ്റ്റിക് ഉപയോഗിച്ചാണ് നിര്മ്മിച്ചിരിക്കുന്നത്. സിംകാര്ഡിന്റെ നടുവില് ഒരു സിലിക്കണ് ചിപ്പ് ഘടിപ്പിച്ചിട്ടുണ്ട്. സിംകാര്ഡ് എത്ര സൂക്ഷിച്ച് ഉപയോഗിക്കുന്നുവോ അത്രയും കാലം കേടുപാടൊന്നും ഇല്ലാതെ ഉപയോഗിക്കാനാവും. കമ്പനികള് സിം കാര്ഡിന്റെ കൃത്യമായ ആയുസ്സ് വ്യക്തമാക്കാറില്ലെങ്കിലും, സ്ഥിരമായ ഉപയോഗം കാരണം കുറച്ച് വര്ഷങ്ങള്ക്ക് ശേഷം അവ തേഞ്ഞുപോകാനും പ്രവര്ത്തനക്ഷമത കുറയാനും സാധ്യതയുണ്ട്.
നിങ്ങളുടെ ഫോണിന്റെ നെറ്റ്വര്ക്ക് ഇടയ്ക്കിടെ കുറയുന്നുണ്ടെങ്കില്, സംസാരിക്കുമ്പോള് കോളുകള് ആവര്ത്തിച്ച് മുറിയുന്നുണ്ടെങ്കില്, അല്ലെങ്കില് ഇന്റര്നെറ്റ് കണക്ഷന് മന്ദഗതിയിലാണെങ്കില് ഒക്കെ സിം കാര്ഡ് മാറ്റേണ്ട സമയമായി എന്ന് മനസിലാക്കാം.
ഒരു സിം കാര്ഡിന്റെ ആയുസ്സ് അത് എങ്ങനെ ഉപയോഗിക്കുന്നു, പരിപാലിക്കുന്നു എന്നതിനെ ആശ്രയിച്ച് വ്യത്യാസപ്പെടാം. ഈ ഘടകങ്ങള് മനസ്സിലാക്കുന്നത് അതിന്റെ ഉപയോഗക്ഷമത വര്ദ്ധിപ്പിക്കാനും എപ്പോള് മാറ്റേണ്ടിവരുമെന്ന് തിരിച്ചറിയാനും നിങ്ങളെ സഹായിക്കും.
ഇടയ്ക്കിടെ സിം കാര്ഡ് നീക്കം ചെയ്യല്
സിം കാര്ഡ് ഫോണില്നിന്ന് പതിവായി നീക്കം ചെയ്യുകയും വീണ്ടും ഇടുകയും ചെയ്യുന്നത് കാര്ഡിലും അതിന്റെ കോണ്ടാക്റ്റ് പോയിന്റുകളിലും തേയ്മാനം ഉണ്ടാക്കാം. കാലക്രമേണ, ഇത് കണക്ഷന് പ്രശ്നങ്ങളിലേക്ക് വഴിതെളിക്കും.
ഈര്പ്പവും പൊടിയുമായുള്ള സമ്പര്ക്കം
സ്പീക്കര് അല്ലെങ്കില് ചാര്ജിംഗ് പോര്ട്ട് വഴി ഫോണിലേക്ക് ഈര്പ്പം പ്രവേശിക്കുന്നു. ഇത് സിം കാര്ഡിലെ ചിപ്പിന്റെ ഭാഗം തുരുമ്പെടുക്കാന് കാരണമാകുന്നു. തല്ഫലമായി, നെറ്റ്വര്ക്ക് സിഗ്നലുകള് സ്വീകരിക്കാനുള്ള സിമ്മിന്റെ കഴിവ് കുറയുന്നു.പൊടി അഴുക്ക് എന്നിവ അടിഞ്ഞുകൂടിയാലും ഇതുപോലുള്ള പ്രശ്നങ്ങള് ഉണ്ടാവാം.
അമിതമായ ചൂട്ഗെയിമുകള് കളിക്കുകയോ ഫോണ് ദീര്ഘനേരം ചാര്ജില് വയ്ക്കുകയോ ചെയ്യുന്നത് ഫോണ് ചൂടാകാന് കാരണമാകും. ഇത് സിം കാര്ഡിനുള്ളിലെ പ്ലാസ്റ്റിക് ഘടനയിലും അതിനുള്ളിലെ ചിപ്പിലും സമ്മര്ദ്ദം ചെലുത്തും.
ഉപയോഗിക്കാത്തതുകൊണ്ട് മാത്രം സിം കാര്ഡുകള് കാലഹരണപ്പെടാറില്ല. പക്ഷേ ദീര്ഘനേരം ഉപയോഗിച്ചില്ലെങ്കില് അവ നിഷ്ക്രിയമായേക്കാം. മാസങ്ങളായി ഉപയോഗിക്കാത്ത സിം കാര്ഡുകള് കാരിയറുകള് പലപ്പോഴും നിര്ജ്ജീവമാക്കാറുണ്ട്. ഒരിക്കല് നിര്ജ്ജീവമാക്കിയാല്, സിം വീണ്ടും സജീവമാക്കുന്നതിനോ മാറ്റി നല്കുന്നതിനോ നിങ്ങളുടെ ദാതാവിനെ ബന്ധപ്പെടേണ്ടി വന്നേക്കാം.
Content Highlights : How long has it been since you changed your SIM card? How to know if your SIM card has expired?